நான்கு வருடம் கஷ்டப்பட்டு உருவான படம் இது! -‘மட்டி’ படத்தின் பத்திரிகையாளர் சந்திப்பில் தகவல்

இந்தியாவின் முதல் மண் சாலை பந்தயத்தை மையப்படுத்திய படம் என வர்ணிக்கப்பட்டுள்ள படம் மட்டி (Muddy).

புதுமுக இயக்குனர் டாக்டர் பிரகபல் இயக்கி உள்ள இப்படத்தை பிரேமா கிருஷ்ணதாசின் பிகே7 கிரியேஷன்ஸ் தயாரித்துள்ளது. இப்படத்திற்கு ஹாலிவுட் படங்களில் பணியாற்றிய கே.ஜி.ரதீஷ் ஒளிப்பதிவு செய்துள்ளார். யுவன்  –  ரிதான்  கிருஷ்ணா முதன்மை கதாபாத்திரங்களில் நடித்துள்ளனர் . இப்படம் பல இந்திய மொழிகளில் விரைவில் வெளியாக இருக்கிறது .இந்த படத்தின் பத்திரிகையாளர் சந்திப்பு 28.2.2021 இன்று நடைபெற்றது .

இயக்குநர் பிரகபல்  பேசும் போது, “ஆக்‌ஷுவலா இந்தபடத்தில் எடிட்டிங். கேமரா, மியூசிக், CG உள்பட டெக்னிக்கல் வொர்க் அதிகம். 14 கேமராக்கள் வைத்து இந்தப்படத்தை எடுத்துள்ளோம். இது என்னோட முதல் படம். ரொம்ப எதிர்பார்ப்போட இருக்கேன்” என்றார்.

டயலாக் ரைட்டர் RP பாலா பேசும்போது,  ”நான்கு வருடம் கஷ்டப்பட்டு இந்தப் புராஜெக்டை உருவாக்கி இருக்கிறார்கள். எடிட்டர் ஜான் லோகேஷ் ராட்சசன் படத்தில் மிரட்டி இருந்தார். அந்தப் படத்தை விட இந்தப்படத்தில்  அதிகமாக உழைத்திருக்கிறார். எல்லோரும் மிகச் சிறப்பாக உழைத்து படத்தை உருவாக்கி இருக்கிறார்கள். கேஜிஎப் மியூசிக் டைரக்டர் மிரட்டி இருக்கிறார். ட்ரைலர் எந்தளவுக்கு பிரமிப்பை ஏற்படுத்தி இருக்கோ..அதே பிரமிப்பு படத்திலும் இருக்கிறது” என்றார்

எடிட்டர் சான் லோகேஷ் பேசும்போது, ”மட்டி எனக்கு ரொம்ப பிடிச்ச படம். ராட்சசன் படம் முடித்த பின் எனக்கு மாலிவுட்ல இருந்து நிறைய வாய்ப்புகள் வந்தன. எதை ஓ.கே செய்வது என்ற யோசனையில் இருந்தேன். இயக்குநர் மட்டி படத்தின் கதையைச் சொன்னபோது எனக்கு அந்த கான்செப்ட் ரொம்ப பிடித்தது. இந்தப்படத்தின் ஷுட்டிங் ஸ்பாட்டுக்குச் சென்றேன். இந்தப்படம் ரொம்ப சேலஞ்சாக இருக்கும் என்று நினைத்தேன். இயக்குநர் நிறைய டைம் கொடுத்தார். படம் நன்றாக வந்திருக்கிறது. 5 மொழிகளில் ரிலீஸாகவிருக்கிறது. கண்டிப்பா படம் எல்லோருக்கும் புடிக்கும்னு நம்புறேன்” என்றார்.