கேப்டன் மில்லர் படத்தில் தனுஷூடன் இணைந்த கன்னட சூப்பர்ஸ்டார்

தனுஷ் நடிக்கும் “கேப்டன் மில்லர்” படத்தில் ஏற்கனேவே, தெலுங்கு திரைத்துறையின் முன்னணி நடிகர் சந்தீப் கிஷன் மற்றும் இளைஞர்களின் கனவு நாயகி நடிகை பிரியங்கா அருள் மோகன் ஆகியோர் இணைந்துள்ளார்கள். இந்நிலையில், கன்னட சூப்பர் ஸ்டார் டாக்டர் சிவராஜ்குமார் இந்த படத்தில் ஒரு முக்கிய கேரக்டரில் நடிக்க இருப்பதாக சத்ய ஜோதி பிலிம்ஸ் நிறுவனம் மகிழ்ச்சியுடன் அறிவித்துள்ளது.
படத்தில் தனுஷ், சிவராஜ்குமார், பிரியங்கா அருள் மோகன், சந்தீப் கிஷன் ஆகியோர் முக்கிய கதாபாத்திரங்களில் நடிக்கின்றனர். இவர்களுடன் ஜான் கொக்கன், நிவேதிதா சதீஷ், குமரவேல், டேனியல் பாலாஜி, மூர், நாசர், விஜி சந்திரசேகர், சுவயம்சிதா தாஸ், பிந்து, அருணோதயன், ‘மேற்குத் தொடர்ச்சி மலை’ ஆண்டனி, பாலசரவணன் மற்றும் சில முன்னணி நடிகர்கள் இணைந்து நடிக்கின்றனர்.
ஜிவி பிரகாஷ் குமார் இசையமைக்க, மதன் கார்க்கி வசனம் தீட்டுகிறார். எடிட்டராக நாகூரன், கலை இயக்குனராக T. ராமலிங்கம், ஆடை வடிவமைப்பு பூர்ணிமா ராமசாமி & காவ்யா ஸ்ரீராம் ஸ்டண்ட் இயக்குனராக திலீப் சுப்பராயன் பப்ளிசிட்டி டிசைனிங் ட்யூனி ஜான் 24am ஆகியோர் தொழில்நுட்பக் குழுவில் பணியாற்றுகின்றனர்.
சத்யஜோதி பிலிம்ஸ் T.G.தியாகராஜன் வழங்குகிறார், செந்தில் தியாகராஜன் மற்றும் அர்ஜுன் தியாகராஜன் தயாரிக்கின்றனர். இப்படத்தை G.சரவணன் மற்றும் சாய் சித்தார்த் இணை தயாரிப்பு செய்கின்றனர். ராக்கி, சாணி காயிதம்” படங்களை இயக்கிய அருண் மாதேஸ்வரன் இயக்குகிறார்.
கேப்டன் மில்லர் 1930-40 காலகட்டத்தை பின்னணியாகக் கொண்ட ஒரு வரலாற்று திரைப்படமாகும். இப்படம் தமிழ், தெலுங்கு, கன்னடம் மற்றும் இந்தி மொழிகளில் ஒரே நேரத்தில் வெளியாக உள்ளது.