விஷாலின் அதிரடி நடிப்பில் ‘வீரமே வாகை சூடும்’ வருகிற 4-ந்தேதி உலகமெங்கும் வெளியாகிறது

விஷால் ஃபிலிம் பேக்டரி சார்பில், நடிகர் விஷால் நடிப்பில் அறிமுக இயக்குநர் து.ப. சரவணன் இயக்கியுள்ள “வீரமே வாகை சூடும்” படம் தமிழ், தெலுங்கு, கன்னட மொழிகளில், பிரமாண்ட வெளியீடாக வரும் 4-ந் தேதி வெளியாகிறது

அதிகார மட்டத்திற்கு எதிரான எளியவனின் போராட்டத்தை களமாகக் கொண்டு உருவாகியுள்ள இப்படத்தில் ‘பாண்டிய நாடு’ படப் பாணியில் மாறுபட்ட நடிப்பில் மிரட்டியிருக்கிறார், நடிகர் விஷால். அனைத்து ரசிகர்களும் ரசிக்கும் வகையிலான கமர்ஷியல் ஆக்ஷன் படமாக இப்படம் உருவாகியுள்ளது.

படத்தில் விஷால் ஜோடியாக டிம்பிள் ஹயாதி நடிக்கிறார். இந்த படம் மூலமே இவர்அறிமுகமாகிறார். யோகிபாபு, மாரிமுத்து, துளசி, கவிதா பாரதி, ஆர்.என்.ஆர்.மனோகர், பாபுராஜ், பில்லி முரளி, ரவீனா, கே.எஸ்.ஜி.வெங்கடேஷ்,
மஹா காந்தி, மரியம் ஜார்ஜ், ‘Black sheep’ தீப்தி முக்கிய கதாபாத்திரங்களில் நடிக்கிறார்கள்.
முன்னணி இசையமைப்பாளர் யுவன் சங்கர் ராஜா இசையமைக்கிறார். கவின் ராஜ் ஒளிப்பதிவு செய்ய, N.B.ஸ்ரீகாந்த் படத்தொகுப்பு செய்கிறார். S.S.மூர்த்தி கலை இயக்கம் செய்ய, வாசுகி பாஸ்கர் உடை வடிவமைப்பு செய்கிறார். ஒலி அமைப்பை தபஸ் நாயக் செய்கிறார். அனல் அரசு, ரவி வர்மா, தினேஷ் சண்டைகாட்சிகளை அமைக்கின்றனர். விளம்பர வடிவமைப்பை கண்ணதாசன் செய்கிறார். மக்கள் தொடர்பு பணிகளை ஜான்சன் செய்கிறார். பாலா கோபி எக்ஸிக்யூட்டிவ் புரொடியூசராக பணியாற்றுகிறார்.

U/A சான்றிதழ் பெற்றுள்ள இந்த படம், வருகிற 4-ந்தேதி தமிழ் நாட்டில் 560-க்கு மேற்பட்ட திரையரங்குகளிலும், ஆந்திராவில் 750-க்கு மேற்பட்ட திரையரங்குகளிலும், கன்னடத்தில் மிக பெரிய வெளியீடாக 180-க்கும் மேற்பட்ட திரையரங்குகளிலும் பிரமாண்டமாக உலகமெங்கும் வெளியாகிறது.