சாதிப்பிரச்சினையை பேச வரும் ‘சாயம்’

ஒயிட் லேம்ப் புரொடக்சன் தயாரிப்பில் மற்றும் எஸ்.பி.ராமநாதன் இணை தயாரிப்பில் உருவாகியுள்ள படம் ‘சாயம்’. அறிமுக இயக்குனர் ஆண்டனி சாமி இயக்கியுள்ளார். அபி சரவணன் கதாநாயகனாக நடிக்க, ‘இந்தியா பாகிஸ்தான்’ படத்தில் இரண்டு கதாநாயகிகளில் ஒருவராக நடித்த ஷைனி இந்த படத்தின் கதாநாயகி. பொன்வண்ணன், போஸ் வெங்கட், சீதா, இளவரசு, தென்னவன், செந்தி, எலிசெபத், பெஞ்சமின் படத்தின் முக்கிய நட்சத்திரங்கள்.

நாகா உதயன் இசையமைத்துள்ள இந்தப்படத்தில் கிறிஸ்டோபர்-சலீம் ஒளிப்பதிவை மேற்கொள்ள, முத்து முனியசாமி படத்தொகுப்பை கவனிக்கிறார். யுகபாரதி, விவேகா, அந்தோணி தாசன் பாடல்களை எழுதியுள்ளனர்.

படத்தின் டிரெய்லர் வெளியாகி பலரின் கவனத்தை ஈர்த்துள்ளது. ‘தாழ்த்தப்பட்ட ஒருவரை தாழ்த்தப்பட்டவர் என்பதற்காகவே கொலை செய்த குற்றத்திற்காக’ என தொடங்கும் டிரெய்லரே இந்த படம் பரியேறும் பெருமாள், காலா, ஜெய்பீம் வரிசையில் இடம் பெறும் என எண்ண் வைக்ிறது. டிரெய்லர் பார்த்தவர்களின் ஒட்டு மொத்தக் கருத்தும் அது தான்.
உலகம் முழுவதும் இந்த திரைப்படம் வருகிற 4-ந்தேதி திரையரங்குகளில் வெளியாக உள்ளது.