பிரபல பைனான்சியர் அன்புச்செழியன் மகள் திருமணம் மணமகன் ஐ.ஏ.எஸ். அகாடமி இயக்குனர்

பிரபல தயாரிப்பாளர், விநியோகஸ்தர், பைனான்சியர் மற்றும் திரையரங்கு அதிபர் அன்புச்செழியனின் மகள் சுஷ்மிதா திருமணம் அடுத்த மாதம் நடைபெறுகிறது. மணமகன் சரண் ஐ.ஏ.எஸ். அகாடமி இயக்குனர்.

மணப்பெண் சுஷ்மிதா கோபுரம் சினிமாஸ் என்ற பட நிறுவனத்தை நிர்வகித்து வருகிறார்.
இவர்கள் திருமணம் பிப்ரவரி 21 அன்று சென்னை திருவான்மியூரில் உள்ள ஸ்ரீராமச்ந்திரா கன்வென்ஷன் சென்டரில் நடைபெறவுள்ளது. காலையில் திருமணமும், மாலையில் வரவேற்பு நிகழ்ச்சியும் நடைபெறவிருக்கிறது.
சென்னை எத்திராஜ் மகளிர் கல்லூரியில் உளவியல் பாடத்தில் இளநிலைப் பட்டம் பெற்ற சுஷ்மிதா, அதைத் தொடர்ந்து எம்.பி.ஏ. படித்தார். 25 வயதே ஆகும் இவர், 50-க்கும் மேற்பட்ட திரையரங்குகளை நிர்வகித்து பல இளைஞர்களுக்கு உதாரணமாக விளங்குகிறார். மணமகன் சரண் பி டெக் மற்றும் எம்.பி.ஏ. முடித்து சன் ஐ.ஏ.எஸ். அகாடமி இயக்.குநராக இருந்து வருகிறார். குடிமைப்பணி தேர்வுகளுக்கான பயிற்சி நிறுவனங்களில் முன்னிலை வகிக்கும் சன் ஐ.ஏ.எஸ் அகாடமியின் நிறுவனர்களில் ஒருவரான ராஜேந்திரன் ஐ.ஏ.எஸ். இவரது தந்தை. இந்த ராஜேந்திரன் தொழில்துறை அமைச்சர் தங்கம் தென்னரசுவின் மைத்துனர் என்பது குறிப்பிடத்தக்கது.

திரையுலக பிரபலங்கள், அரசியல் தலைவர்கள், அரசு உயர் அதிகாரிகள் உள்ளிட்டோர் பங்கேற்கும் இந்த திருமணம் மற்றும் வரவேற்பு நிகழ்ச்சி, கோவிட் விதிமுறைகளை பின்பற்றி பிரமாண்டமாக நடைபெறும் என தெரிவிக்கப்பட்டுள்ளது