ரைட்டர் படம் பார்த்த வெற்றிமாறன் பாராட்டு. தயாரிப்பாளர் பா.ரஞ்சித்தையும் இயக்குனர் பிராங்க்ளினையும் கட்டிப்பிடித்து வாழ்த்து

இயக்குனர் பா.ரஞ்சித் தயாரிப்பில் பிராங்ளின் ஜேக்கப் இயக்கத்தில் சமுத்திரக்கனி நடிப்பில் வெளியாகவிருக்கும் ரைட்டர் திரைப்படத்தின் சிறப்புக்காட்சி நேற்று சென்னையில் நடைபெற்றது. தமிழ் சினிமாவின் பிரபலங்கள் பலரும் கலந்து கொண்டனர்.
படம் பார்த்தபிறகு இயக்குனர் வெற்றிமாறன் தயாரிப்பாளர் பா.ரஞ்சித்தையும், இயக்குனர் பிராங்ளினையும் கட்டிப் பிடித்து வாழ்த்தி பாராட்டினார். அப்போது அவர், ‘‘ரொம்ப முக்கியமான படத்தை தமிழ் சினிமாவிற்கு தந்திருக்கிறீர்கள். சமுத்திரக்கனியின் நடிப்பு தனித்துவமாக இருக்கிறது. இந்த வருடத்தின் மாபெரும் வெற்றிப்பட வரிசையில் ரைட்டரும் இருக்கும். தொழில் நுட்ப கலைஞர்கள், நடிகர்கள் என அனைவரும் சிறப்பாக தங்களது திறமைகளை வெளிப்படுத்தியிருக்கிறார்கள். இப்படிப்பட்ட படங்களை தயாரித்துவரும் ரஞ்சித்துக்கு எனது வாழ்த்துக்களும் அன்பும்’’ என்றார்.