ஆன்யாஸ் டூடோரியல் படவிமர்சனம்

அர்கா மீடியா தயாரிப்பில் இயக்குநர் பல்லவி கங்கி ரெட்டி இயக்கத்தில் ரெஜினா கஸண்ட்ரா, நிவேதிதா சதீஷ் முக்கிய பாத்திரத்தில் நடித்து ஆஹா தமிழ் ஓ.டி.டி. தளத்தில் வெளிவந்திருக்கும் படம் ‘ஆன்யாஸ் டுட்டோரியல்.’
வறுமை மற்றும் சூழல் காரணமாக சிறு வயது முதல் பேய் இருக்கும் வீடுகளிலேயே தன் தாயுடன் வசித்து வந்த சகோதரிகள் ( ரெஜினா , நிவேதிதா). அக்கா தங்கை இருவருக்கும் ஏழாம் பொருத்தம்.

அக்கா அம்மாவுடன் சண்டை போட்டுக் கொண்டு தனியே விடுதியில் , லாக் டவுன் காரணமாக யாரும் இல்லாத தனிமையில் இருக்கும் தங்கை நடத்தும் யூ டியூப் சேனலுக்கு அவர் போடும் வீடியோக்களில் பேய் மர்ம உருவங்கள் உலாவுவது பார்வையாளர்களுக்குத் தெரிய வர, அதனால் அவரது யூ டியூப் புகழ் பெற, பணமும் வர, தைரியத்தோடு தங்கை அதை பயன்படுத்திக் கொள்ள , விளைவு என்ன ஆகிறது என்பது திக்திக் கிளைமாக்ஸ்.

இணைய வழிப் பேய்ப்படம் என்பது இதன் முக்கிய அடையாளம்.

பெண் இயக்குனர் என்பதால் பெண்களில் உணர்வுகள் மற்றும் செயல்பாடுகளை தனித்தன்மையோடு காட்சிப்படுத்தி இருக்கிறார்.

விஜய் சக்கரவர்த்தியின் ஒளிப்பதிவும் ஒலி வடிவமைப்பும் பிளஸ் அம்சங்கள்.

ரெஜினாவும் நிவேதிதாவும் வித்தியாச அக்கா-தங்கையாக நடிப்பில் கவர்கிறார்கள். ஆவியால் எற்படும் அந்த கிளைமாக்ஸ் நிஜமாகவே எதிர்பாராதது.