‘‘இது காதல் படம் அல்ல…காதலைப் பற்றிய படம்…’’ ‘நட்சத்திரம் நகர்கிறது’ படம் பற்றி இயக்குனர் பா.ரஞ்சித்

‘‘இது காதல் படம் அல்ல…காதலைப் பற்றிய படம்…’’
‘நட்சத்திரம் நகர்கிறது’ படம் பற்றி இயக்குனர் பா.ரஞ்சித்
இயக்குனர் பா.ரஞ்சித் சார்பட்டா பரம்பரரை படத்திற்கு பிறகு ‘நட்சத்திரம் நகர்கிறது’ என்ற படத்தை இயக்கியிருந்தார்.

யாழி பிலிம்ஸ் விக்னேஷ்சுந்தரேசன், மற்றும் மனோஜ் லியோனல்ஜாசன் இந் தபடத்தை தயாரித்திருக்கிறார்கள்.

ஆகஸ்ட் 31 அன்று வெளியாகவிருக்கும் இந்த படத்தில் காளிதாஸ் ஜெயராம், துஷாரா விஜயன், கலையரசன், ஹரி, ஷபீர், சார்லஸ் வினோத், வின்சு, சுபத்ரா, தாமு நடித்திருக்கிறார்கள்.
குண்டு படத்திற்கு ஒளிப்பதிவு செய்த கிஷோர் இந்த படத்திற்கு ஒளிப்பதிவு செய்திருக்கிறார். தென்மா இசையமைத்திருக்கிறார்.
படம் பற்றி இயக்குனர் பா.இரஞ்சித் கூறியதாவது
‘‘இது காதல் படம் அல்ல காதலைப் பற்றிய படம். ஆணும் பெண்ணும் சந்திக்கும்பொழுது காதலாகத்தான் ஆரம்பமாகுது.
அது குடும்பத்துக்கு தெரியும்போது தான் சமூகத்தின் பிரச்சினையாக மாறுகிறது. இங்கே காதலுக்கு ஒரு மதிப்பீடு இருக்கு.
காதல் வர்க்கத்தையும் ஜாதியையும் பின்னிப்பிணைந்ததாக இருக்கிறது. காதல் பெர்சனலாக இருக்கும்பொழுது எந்த பிரச்சினையும் இல்லை. இப்போ காதலை ஒரு பொலிட்டிக்கல் டெர்ம் ஆக மாற்றி வச்சிருக்காங்க. அதை பற்றி விவாதிக்கிற படம் தான்‘நட்சத்திரம் நகர்கிறது.’
இதில் ஆண் பெண் காதல்கள் மட்டும் இல்லாது ‘ஒரு பாலின’ காதலைப் பற்றியும்,
திருநங்கையின் காதலைப்பற்றியும் பேசுகிறோம்.
பாண்டிச்சேரியில் நாடக தியேட்டரில் நடிக்கக்கூடுகிற நடிகர்கள் அவர்களின் எமோஷனல், காதலை விவரிக்கிறது இந்தப்படம்.
ஒரு காதலை குடும்பமும் சமூகமும் எப்படிப்பார்க்கிறது என்பதை இந்த படம் முழுக்க பேசுகிறோம்.
நவீன சினிமாவின் தாக்கத்தில் எழுதியிருக்கிறேன். நல்லா வந்திருக்கு.’’ என்கிறார்.
பா.ரஞ்சித்திடம் இதுவரை உங்கள் படத்திற்கு இளையராஜா இசையமைக்கவில்லை. அடுத்து இயக்கும் படங்களிலாவது இளையராஜாவுடன் இணைவீர்களா? என்ற கேள்விக்கு…
‘‘எனக்கு ரொம்ப பிடித்தவர்களை தூர நின்று பார்ப்பேன். இசைஞானி இளையராஜாவோடு இணைந்து வேலை செய்யமுடியும்னு இன்றுவரை நான் நினைத்ததில்லை. அவர் கிட்ட நெருங்கவே தயக்கம் இருக்கு. அவர் பெரிய மேதை.
இசைஞானி இளையராஜா இல்லையென்றால் நானெல்லாம் சினிமாவுக்கே வந்திருக்க முடியாது.
அவர் பாடல்கள் எனக்கு சினிமா பாடல்களாய் இல்லாமல் தன்னம்பிக்கை பாடல்களாக இருந்திருக்கிறது.
ராஜாவை தினம் தினம் ரசிப்பவன் நான்’’ என்றார்.

படத்துக்கான பாடல்களை உமாதேவி, அறிவு எழுதியிருக்கிறார்கள்.

செல்வா RK படத்திற்கு எடிட்டிங் செய்திருக்கிறார்.

நடனம் சாண்டி

சண்டைப்பயிற்சி – ஸ்டன்னர் சாம்.

ஆடை வடிவமைப்பு – அனிதா ரஞ்சித்.ஏகாம்பரம்,

தயாரிப்பு – யாழி பிலிம்ஸ் விக்னேஷ் சுந்தரேசன், மனோஜ் லியோனல்ஜாசன்.

இணை தயாரிப்பு – நீலம் புரொடக்சன்ஸ் பா.ரஞ்சித்.

பி ஆர் ஓ – குணா.